Mae pysgod helgig wedi ffynnu yng Nghymru am filoedd o flynyddoedd, diolch i helaethrwydd ac amrywiaeth ein hafonydd a’n llynnoedd, sy’n cynnig y cynefin dŵr oer perffaith ar gyfer pysgod eogaidd.

Mae ein rhywogaethau pysgod mudol yn cynnig yr her chwaraeon gorau – mae nifer dda o frithyll môr yn rhedeg ein hafonydd bob blwyddyn, gan ddarparu pysgota rhagorol i bysgotwyr plu, denu ac abwyd. Gydag eog o dros 30 pwys yn cael eu cofnodi bob tymor a sewin (brithyll mor) o dros 20 pwys, mae wastad siawns i lanio dalfa’ch oes yng Nghymru – yn aml ar wialen plu.

Mae gennym yn llythrennol filoedd o filltiroedd o afonydd a nentydd lle mae brithyll brown gwyllt brodorol yn nofio mewn helaethrwydd, sy’n gwneud Cymru yn un o’r lleoedd gorau yn y Deyrnas Unedig gyfan, i bysgota plu. O nentydd coetir tawel, i genllifau nerthol clogfeini a nentydd dolydd tawel, brithyll brown yw’r rhywogaeth pysgod dŵr croyw mwyaf eang yng Nghymru ac maent i’w canfod yn aml mewn niferoedd rhyfeddol. Maent yn amrywio o ‘hanner pwyswyr’ maint llaw i angenfilod 6 neu 7 pwys sy’n byw yn ein hafonydd ôl-ddiwydiannol ffrwythlon. Beth bynnag eu maint, byddwch yn sicr o weld harddwch anhygoel ym mhob pysgodyn gwyllt y byddwch chi’n ei ddal yng Nghymru.

Mae ein hucheldiroedd gwyrdd tonnog, dyffrynnoedd dwfn a mynyddoedd garw yn frith o gronfeydd dŵr oer a chlir a llynnoedd rhewlifol. Gyda dros 500 i ddewis ohonynt, mae bron pob un ohonynt yn cynnig pysgota brithyll gwych mewn amgylchoedd gwyllt – yn bennaf pysgota plu am bysgod gwyllt neu weithiau brithyll seithliw wedi’u stocio. Mae pob un ohonynt yn cynnig gwir her yn y golygfeydd mwyaf ysblennydd y gallwch chi eu dychmygu. Mae gennym hefyd nifer o bysgodfeydd dŵr llonydd llai, lle gellir dod o hyd i frithyll stoc dlos a chyfleusterau moethus.

Mae penllwydion yn gyffredin mewn llawer o afonydd yng Nghymru, sy’n eich galluogi i ymestyn eich pysgota trwy gydol misoedd y gaeaf, pan fydd y tymor brithyll ar gau. Gall afonydd Cymru gynhyrchu dalfeydd enfawr o benllwyd, yn bennaf i dechnegau pysgota plu. Mae pysgod sbesimen i’w cael yn aml, gyda rhai ohonynt yn pwyso mwy na 3 pwys (50cm) ac mae’r niferoedd pur o linellau glas a geir yn rhai o’n hafonydd yn rhyfeddol.